برنامج الزمالة المصرية بين السؤال والجواب (الحلقة الثانية )

 س١: المستحقات المالية مش ثابتة و حد زميلى بآله شهور شغال مدرب و لسه ما خدتش مستحقاته..اية الحكاية ؟🧐

ج١: ابدا يا دكتور ..زى ما قولنا قبل كده أن المستحقات المالية بتختلف كون  المدرب ملتحق أو اجتاز T2T من هارفارد و قدم نشاط تدريبى الشهور دى و لا لأ

...ممكن كمان عدد متدربينك اتغير خلال الشهور اللى فاتت...

اللى معاه ٣ متدرب غير ٤..  و اللى بياخد كامل مستحقاته اللى معاه من ٥ : ٧ متدربين

أما زميل حضرتك فهو اكيد شغال مع متدرب واحد او اتنين بس

خد بالك برده أن فى بعض الشهور بتنزل الفلوس على فيزا البريد و شهور تانية على فيزا القبض ..فلازم تتابع الاتنين برده

س٢: انا عندى متدرب واحد و لا اتنين ...هستفيد اية من استمرارى كده ؟🤨

ج٢ بداية كده ..ده دورك اللى بيمليه عليك ضميرك المهنى و هو تعليم غيرك و الاستفادة دى لا تقدر بثمن ليك و لسمعتك الطيبة ...

ده غير أن حركة التكليف لما هتوزع المتدربين عليك ..مش هتلاحق شغل ..

و اكيد الأفضل طبعا المرور بالمرحلة الانتقالية دى كخبرة تدريس و تدريب و اللى هتسهل عليك العملية التدريبية لما يبقى معاك ٧ متدربين او اكتر ..

و بنطمن حضرتك برده أنه هيكون فعلا فيه آلية لصرف حافز مالى و لو بسيط للمدربين اللى معاهم أقل من ٤ متدربين

س٣: انا بقيت مدرب معتمد خلاص ..اعمل اية بعد كده ؟

ج٣ ابدا يا فندم ..هتطلب من نائب مدير المستشفى لشئون الزمالة المنهج العلمى لتخصصك و نموذج من كتاب الأنشطة للمتدرب و الخريطة التدريبية

و تتعرف على الدور اللى هتقوم بيه من خلال الوصف الوظيفى للمدرب و خلال الوقت ده اول ما يتوزع عليك متدربين هنبتدى شغل..

س٤: انا دكتور بشتغل طول عمرى كلى صناعى بس شهادة  الماجستير باطنة عامة ..اقدم مدرب باطنة و لا كلى ؟🧐

ج٤ : حضرتك سيد العارفين أن الكلى تخصص فرعى ..فلما تاخد ماجستير باطنة و قعدت بعدها ٧ سنين هتقدم باطنة لكن لو اخدت دكتوراة أو زمالة كلى ..ساعتها بس ممكن تبقى مدرب كلى..

ده غير أن قيامك بالعملية التدريبية كمدرب باطنة هيزود كفاءتك سواء فى الباطنة او فى الكلى لو خدت فيها دراسة كمان

س٥ : هو صحيح انا لازم اصور بطاقة الرقم القومى كل مرة و ارفقها مع تقرير الانشطة اللى بقدمه الزمالة شهريا؟😬

ج٥: ايوة يا فندم ..معلش هنتعبك ..لكن لضمان وصول المستحقات المالية ليك على الرقم القومى و نقلل عنصر الخطأ البشرى فى نقل البيانات فى السجلات عموما..

س٦ : انا مدرب معتمد جديد و مش على تواصل معاكم و بعرف المعلومات بالصدفة أو من زمايلى لو سألت ؟ 😎

ج ٦: تشرفنا طبعا فى جروب مدربين زمالة البحيرة🤗 و ده اللينك بتاعه👇🏻...يا ريت تنضم لينا و نكون سعداء

 https://chat.whatsapp.com/JSi0W6oWv6f7sIArD3zd3p

مع تحيات اللجنة الفرعية للزمالة المصرية بمحافظة البحيرة