برنامج الزمالة المصرية بين السؤال والجواب ( الحلقة الأولي )

 

س1: 🤔 *هو لو انا مؤهل انى اكون مدرب ينفع اعتذر او ارفض ؟

ج1:  ممكن بس لأسباب قهرية تخليك مش على قوة المستشفى.. بس تعتذر ليه؟ . هو المفروض انك فى الطبيعى كنت بتقوم بالدور ده مع الاطباء المقيمين عندك زمان والجديد دلوقتى انه اصبح بمنهج علمى بين ايديك وبمقابل مادى كمان .

لاحظ أن مفيش دلوقت حركة نيابات و بأت كل حركات التعيين بنظام الزميل المكلف...

و ما تنساش كمان أن نشر العلم واجب على اللى يملكه

س2 * :🤔 *هل لازم التزم بالتوقيع فى اللوج بوك بما يطابق الخريطة التدريبية بالرغم من عدم توافر امكانيات المستشفى عندى فى بعض المواضيع ؟

ج2 : لا مش شرط ، وقع حضرتك على اللى اتعمل بس ،، اللوج بوك هيبقى مع المتدرب اربع خمس سنين واللى مش هياخده عندك هياخده فى مستشفى تانيه مؤهلة تديله الامكانية اللى مش عندك فى المستشفى حاليا.

لكن لاحظ أن وجود مدربين و متدربين و مع دعم الوزارة الحالى لدعم العملية التعليمية هيكون فى صالح المستشفى نفسها لتوفير التجهيزات المطلوبة طالما متوفر فيها كفاءات 

س3 🤔 هل كونى مدرب بالمستشفى ده يخلينى معرض للنقل فى اى مكان وفى اى وقت ؟

ج3:  لا طبعاً ..لكن لو دا حصل هيكون بالتعاقد معاك وبإختيارك يعنى انت اللى هتتمنى ده ومش فرض عليك . تعاقد بنظام الشفت و بمقابل مجزى جدا بالإضافة إلى مستحقاتك الشهرية العادية

س4 : ايه برنامج الـ T2T   وايه منحة هارفارد ؟وايه فايدتها ليا؟🧐

ج4 : دا برنامج تدريبى فى  medical educatiion methods  للتأهيل و رفع قدرة  مدرب الزمالة المصرية.. كتير عندهم المعلومة.. لكن ازاى توصلها بشكل صح و بكل الطرق الممكنة و على حسب طبيعة كل متدرب ليك كمان ....ازاى ترفع مستوى المهارة المطلوبة انها تكون عنده  ...  فايدته انك سواء قدمت عليه دلوقت او ملتحق بالفعل فيه او خدته فعلا.. فده بيخلى المقابل المادى كمدرب بيزيد.... لاحظ أنها منحة من اعلى جامعة فى العالم ومجانا تماما و كمان اونلاين ...

س٤. طب لو عايز اسافر بره هينفع ؟ 🤨

عادى جدا ....بس قبل السفر تقول لمدير المستشفى عشان يوفر مدرب و لو فيه اكتر من مدرب معاك فى تخصصك ..فمتدربينك هيتوزعوا عليهم ...يمكن موضوع السفر ده يزعل الحاصلين على هارفارد لو سافر قبل سنتين من الحصول عليها بس أو يدفع ثمن المنحة قبل السفر ...مع أن أعتقد أن فكرة السفر هتتغير عندك و مش هتبقى مستاهلة غربة..

س٥ مستحقاتى المالية كمدرب زمالة مش لاقيها بتنزل فى فيزا القبض و بقالى شهور ؟😕

لازم تجيب كارت فيزا البريد و تفعلها و هينزلك مستحقاتك بعد تفعيلها...و مش بأثر رجعي..

س٦: طيب انا كمدرب محتاج ازود قدرتى  العلمية فى تخصصى عشان ابقى اد المسئولية دى ؟😳

ده بالفعل هيتوفر ليك ..لحضرتك مشرف علمى فى التخصص بالفعل و علاقته مباشرة مع المجلس العلمى للزمالة و اللى هيرفع من مستواك العلمى و العملى كل شوية اكتر.. 

 

س٧: انا لسه طالع معاش و عندى المؤهلات اللى تخلينى مدرب ..وضعى هيكون ازاى ؟🥸

اعمال حضرتك كمدرب ممكن تستمر بعد بلوغ سن الحكمة و لمدة ١٠ سنين كمان و هتبقى بطريقة التعاقد من خارج الجهاز الادارى

فى انتظار أى اسئلة منكم كمان🤗 ,,,

مع تحيات اللجنة الفرعية للزمالة المصرية بمحافظة البحيرة